Chital Deer

                            Chital Deer

چیتل ھرن  ( Chital Deer )

یه انڈیا, سری لنکا, بھوٹان, نیپال اور بنگله دیش میں دریاؤں کے اردگرد کم گھنے جنگلات اور ان سے ملحقه جھاڑی دار کھلی چراگاھوں میں پایا جانے والا درمیانے سائز کا ھرن ھے, اسکے جسم کا رنگ گولڈن ریڈش براؤن ھوتا ھے جس پر سفید رنگ کے نمایاں دھبے ھوتے ھیں جو سارا سال نمایاں رھتے ھیں,گردن کے آخری سرے سے لیکر دم تک کمر پر سیاه رنگ کی پٹی ھوتی ھے, گردن کے بالائی حصے پر سفید رنگ کا دھبه ھوتا ھے, پیٹ, ٹانگوں, کانوں اور دم کا اندونی حصه سفید ھوتا ھے, نر کا قد 35-38 انچ اور ماده کا قد 28-30 انچ تک ھوتا ھے, نر کا وزن 40-70 کلوگرام اور ماده کا وزن 25-45 کلوگرام تک ھوتا ھے, نر کے سر پر تین شاخے خوبصورت سینگ ھوتے ھیں, جوان ھونےکے بعد سال میں ایک دفعه کسی بھی وقت یه سینگ گر جاتے ھیں اور انکی جگه نیۓ سینگ اگ آتے ھیں, شروع شروع میں یه سینگ نرم ھوتے ھیں جنھیں ویلوٹ اینٹلرز کھا جاتا ھے, بعد میں یه سینگ سخت ھو جاتے ھیں اور انکے اردگرد سے ویلوٹ اتر جاتا ھے اور انھیں ھارڈ اینٹلرز کھا جاتا ھے, عام طور پر یه 15-20 کا گروپ بنا کر رھتے ھیں, ایک گروپ میں عمومأ 4-5 ھرنیاں, انکے ایک ساله اور دو ساله بچے اور ایک سے دو ھرن شامل ھوتے ھیں, صبع سویرے اور شام کو بھت چست ھوتے ھیں, دوپھر کو سایه دار درختوں کے نیچے آرام کرتے ھیں-ھر وقت چوکنا رھتے ھیں, خطرے کے وقت 65 کلومیٹر فی گھنٹه کی رفتار سے دوڑ سکتے ھیں-
چیتل ھرن فیلو ڈئیر اور سکا ڈئیر سے ملتے جلتے ھوتے ھیں لیکن فیلو ڈئیر اور سکا ڈئیر کی گردن پر چیتل ڈئیر کی طرح سفید دھبه نھیں ھوتا ھے,
اور چیتل ڈئیر کے جسم پر سفید دھبے تعداد میں زیاده ھوتے ھیں اور یه دوسرے دونوں ھرنوں کی نسبت زیاده نمایاں بھی ھوتے ھیں-

افزائش نسل :-

یه 14-16 ماه میں جوان ھوتے ھیں, انکا کوئی مخصوص بریڈنگ سیزن نھیں ھوتا, یه سارا سال بریڈ کر سکتے ھیں لیکن زیاده تر بریڈنگ مئی سے اگست تک ھوتی ھے, دورانیه حمل 225 دن کا ھوتا ھے, ماده عمومأ ایک ھی بچے کو جنم دیتی ھے, ماده دو ھفتوں کی عمر تک بچے کو کسی محفوظ مقام پر چھپا کر رکھتی ھے, چار ھفتوں کی عمر میں یه بھی گروپ میں شامل ھو جاتا ھے,
پانچ ھفتوں کی عمر میں بچه گھاس اور نرم پتے کھانا شروع کر دیتا ھے, ماں بچے کو 4-6 ماه کی عمر تک دودھ پلاتی ھے, ماده ھر سال ھی بچے کو جنم دیتی ھے-

پنجره :-

انکے لیے بنایا جانے والا بڑے سائز کا ھونا چاھیے جس میں یه دوڑ بھاگ سکیں, ایک جوڑے کیلۓ شیلٹر کی پیمائش 100 مربع فٹ ھونی چاھیے, زیاده ھرنیوں کی صورت میں پنجرے میں شیلٹرز کی تعداد ایک سے زیاده ھونی چاھیے, پنجرے میں اور اسکے اردگرد سایه دار درخت ضرور ھونے چاھیں تاکه گرمیوں کے موسم میں یه گرمی کی شدت سے محفوظ ره سکیں-جوڑے کی بجاۓ انھیں ایک نر اور 5-6 ماده کا گروپ بنا کر رکھنا زیاده بھتر ھے-

خوراک :-

یه چرنے والا جانور ھے, گھاس, پتے, سبز چاره انکی خوراک ھوتی ھے, ایک جوڑے کو روزانه 7-10 کلو گرام سبز چاره کی ضرورت ھوتی ھے,
ھر اضافی ھرنی کیلۓ 3-4 کلو گرام فی کس سبز چاره درکار ھوتا ھے, انکی غذائی ضروریات کو پورا کرنے کیلۓ انکی غذائی ضروریات کے مطابق بنایا گیا راشن بھی بحساب 250 گرام فی کس انکی خوراک کا حصه ھونا چاھیے-

طبعی عمر :-

انکی اوسطأ طبعی عمر 15 سال ھوتی ھے-