Major Mitchell's Cockatoo

                       

                 

                         

                   

     

                       

                   

میجر مچلز کاکاٹو
                 ( Major Mitchell's Cockatoo )

یه وسطی آسٹریلیاء کے خشک علاقوں میں پاۓ جانے والے خشک جنگلات میں پایا جانے والا سفید اور پنک کلر کا خوبصورت کاکاٹو ھے-

جسمانی خدوخال :-

اسکے جسم کے زیاده تر پروں کا رنگ سفید ھوتا ھے, سر, گردن کے اردگرد, سینے اور پیٹ کے پروں کی رنگت پنک ھوتی ھے, ونگز کے نچلے پر گھرے پنک کلر کے ھوتے ھیں, سر کا تاج عمومأ سفید دیکھائی دیتا ھے لیکن جب یه اپنے تاج کو پھیلاتا ھے تو اسکے اوپر والا حصه سفید اور باقی چمکدار گھرے سرخ رنگ کا ھوتا ھے جس کے درمیان میں ییلو رنگ کی دھاری ھوتی ھے ماده میں یه دھاری نر کی نسبت زیاده موٹی اور چوڑی ھوتی ھے, چونچ کی رنگت بھوری مائل سفید ھوتی ھے, جسم کی اوسطأ لمبائی 15 انچ ھوتی ھے-

رھن سھن :-

اپنے قدرتی ماحول میں چھوٹے چھوٹے گروپ بنا کر رھتے ھیں, سارا دن اڑنے پھرنے میں گزارتے ھیں, زمین پر چل پھر کر اپنی خوراک تلاش کرتے ھیں, بریڈنگ سیزن میں نر بھت زیاده غصیله ھوتا ھے اسلیے انکے گھونسلے ایک دوسرے سے بھت فاصلے پر ھوتے ھیں-

افزائش نسل :-

یه 3-4 سال کی عمر میں جوان ھوتے ھیں, درختوں کے کھوکھلے تنوں میں گھونسلا بناتے ھیں, انڈوں کی تعداد 2-4 ھوتی ھے, انکوبیشن کا دورانیه 28 دن کا ھوتا ھے,7-8 ھفتوں کی عمر میں چوزے گھونسلے سے باھر آ جاتے ھیں- بریڈنگ سیزن میں نر بھت زیاده غصیله ھوتا ھے اور اکثر اوقات ماده پر حمله آور ھو کر اسے شدید زخمی کر دیتا ھے اسلیے بریڈنگ سیزن میں نر کے پروں کو کاٹ دینا یا کلپ کر دینا چاھیے تاکه ماده اسکی جارحیت سے محفوظ رھے-

پنجره :-

اپنے قدرتی ماحول میں یه سارا دن اڑنے پھرنے میں گزارتے ھیں اسلیے انکے لیے بنایا جانے والا پنجره بڑے سائز کا ھونا چاھیے تاکه اس میں یه چھوٹی چھوٹی پروازیں بھر سکیں, پنجرے کے بریڈ روم کا سائز 4×5 فٹ اور اونچائی 7 فٹ تک ھوتی چاھیے, بریڈ روم سے ملحقه فلائنگ پن کی پیمائش 5×10 فٹ ھونی چاھیے, نیسٹ باکس کی پیمائش 20×20 انچ اور لمبائی 24 انچ ھونی چاھیے, نیسٹ باکس کے دو اطراف داخلے کیلیے راسته ھونا چاھیے تاکه نر کی جارحیت کی صورت میں ماده دوسرے راستے نے نکل کر خود کا دفاع کر سکے, ھر وقت کچھ نا کچھ چبانے کے عادی ھوتے ھیں اسلیے انکے پنجرے میں درختوں کی نرم شاخیں ھر وقت موجود ھونی چاھیے- کیونکه نر بھت زیاده غصیله ھوتا ھے اسلیے اسکا پنجره دوسرے پیرٹس سے الگ تھلک ھونا چاھیے-

بطور پالتو پرنده :-

نر کبھی بھی اچھا پالتو پرنده ثابت نھیں ھوتا, ماده بھت جلد اور بھت زیاده مانوس ھو جاتی ھے, مالک کی بھت زیاده توجه چاھتی ھے, مناسب توجه نه ملنے کی صورت میں یه فریسٹریشن کا شکار ھوکر اپنے پر نوچنے جیسی بدعادت میں مبتلا ھو جاتی ھے, یه عمومأ ایک ھی فرد کے ساتھ مانوس ھوتی ھے-

خوراک :-

مختلف گھاسوں اور اجناس کے بیج, پھل, سبزیاں, کچھ پودوں کی جڑیں, نرم کونپلیں انکی خوراک ھوتی ھے, ابلا ھوا انڈا اور چکن بھی انکی خوراک کا حصه ھونے چاھیں-

طبعی عمر :-

انکی اوسطأ طبعی عمر 70 سال ھوتی ھے-